இவ்விடுமுறை காலத்தில் தமது அட்டைதாரர்கள் விடுமுறைச் செலவுகளின் பயனை உச்சப்படுத்தி, கூடுதல் மதிப்பு மற்றும் சௌகரியத்துடன் வெகுமதியளிக்கும் பயன்களையும், பிரத்தியேகமான சேமிப்புக்களையும் DFCC வங்கி அட்டைகள் அவர்களுக்கு வழங்குகின்றன. DFCC வங்கி கடன் மற்றும் டெபிட் அட்டைகளுடன், ஆடையணி, உணவு விருந்து, பிரயாணம், ஆபரணம், பாதணி, இலத்திரனியல் சாதனங்கள், வீட்டுப்பொருட்கள், சுப்பர்மார்க்கெட்டுக்கள், ஹோட்டல்கள் மற்றும் பல போன்ற இலங்கையின் உச்ச சில்லறை விற்பனையாளர்கள் மற்றும் வணிகர்களிடம் 60% வரையான சேமிப்புக்களை அட்டைதாரர்கள் பெற்று அனுபவிக்க முடியும். விடுமுறைக்கு தேவையான அத்தியாவசிய பொருட்களானாலும் சரி அல்லது ஒரு உபசரிப்பில் ஈடுபட்டாலும் சரி, இப்பண்டிகைக்காலத்தை குதூகலம் நிறைந்ததாகவும் மற்றும் சிக்கனமானதாகவும் ஆக்குவதற்கான வியத்தகு வாய்ப்புக்களை DFCC வங்கி அட்டைகள் வழங்குகின்றன.
அர்த்தமுள்ள மதிப்பையும், மேற்கொள்கின்ற செலவுகளை சிக்கனமான வழியில் மேற்கொள்ள உதவும் தெரிவுகளையும் உறுதி செய்யும் வகையில், அட்டைதாரர்களின் ஆர்வங்கள் மற்றும் தேவைகளுடன் ஒன்றியதாக இந்த ஆண்டு பருவகால ஊக்குவிப்புப் பிரச்சாரம் வடிவமைக்கப்பட்டுள்ளது. அட்டைதாரர்களின் ஆவலை மிகவும் உன்னிப்பாக அறிந்து கொண்டு, பிரபலமான மற்றும் மிகவும் நாடப்படுகின்ற அனுபவங்களை பிரதிபலிக்கும் சலுகைகளை DFCC வங்கி திட்டமிட்டுள்ளது. 48 மாதங்கள் வரையான வட்டியின்றிய இலகு தவணைக் கொடுப்பனவுத் திட்டத்தை அறிமுகப்படுத்தியுள்ள வங்கி, நிதிச்சுமையின்றி விடுமுறைகால கொள்வனவுகளை அட்டைதாரர்கள் மேற்கொள்வதற்கு இடமளித்துள்ளது.
சூழல்நேயமான மீள்சுழற்சி செய்யப்பட்ட PVC (rPVC) மூலமாக தயாரிக்கப்படுகின்ற அட்டைகளை DFCC வங்கி அறிமுகப்படுத்தியுள்ளதுடன், நிலைபேற்றியல் மீதான தனது அர்ப்பணிப்பை மேலும் காண்பித்துள்ளது. அதிநவீன தொழில்நுட்பத்தின் அடிப்படையில், சௌகரியமான வெட்டுமுனை தொடுபுலனுடனான வடிவமைப்பு, மேம்பட்ட பாதுகாப்பு, நீடித்த உழைப்பு, மற்றும் தோற்றம் ஆகிய சிறப்பம்சங்களைக் கொண்டுள்ளன. அட்டையின் வெட்டுமுனை வடிவமைப்பானது அனைவரையும் அரவணைப்பதை மேம்படுத்துவதற்காக, குறிப்பாக விழிப்புலன் குறைபாடுடையவர்களுக்கான தனித்துவமான சிறப்பம்சமாகும். தொடுபுலனுடன் மாத்திரம் தமது பணப்பைகளிலிருந்து DFCC அட்டையை இலகுவாக இனங்கண்டு, வெளியில் எடுப்பதற்கு இந்த வெட்டுமுனை தொடுபுலன் வடிவமைப்பு அனைத்து அட்டைதாரர்களுக்கும் இடமளிக்கின்றது. இதற்கும் அப்பால், தோற்றத்திலும், உணர்விலும் ஏனைய அட்டைகளிலிருந்து தனித்துவப்படுத்தி, புத்தாக்கத்தின் மீது வங்கி கொண்டுள்ள அர்ப்பணிப்பை இந்த வெட்டுமுனை வடிவமைப்பு உறுதிப்படுத்துகின்றது.
தயாரிப்பிற்கு rPVC ஐப் பயன்படுத்துகின்றமை, பாரம்பரியமான பிளாஸ்திக் மீது தங்கியிருப்பதைக் குறைப்பதில் வங்கியின் சூழல் சார்ந்த இலக்குகளை மேலும் எடுத்துக்காட்டுகின்றது. மீள்சுழற்சி செய்யப்பட்ட மூலப்பொருட்களிலிருந்து தயாரிக்கப்படுகின்ற rPVC ஆனது, பாரம்பரிய PVC ஐ ஒத்தவாறே நீடித்த உழைப்பை வழங்கும் அதேசமயம், சூழல் மீதான தாக்கத்தை கணிசமான அளவில் குறைக்கச் செய்கின்றது. இந்த மாற்றமானது வங்கியின் விரிவான சூழல், சமூக மற்றும் நிர்வாக ஆட்சி இலக்குகளுக்கு உதவுவதுடன், தமது நிதி நடவடிக்கைகள் ஒவ்வொன்றிலும் நிலைபேற்றியல் கொண்ட தெரிவுகளை நாடுகின்ற சூழல் மீது அக்கறை கொண்டுள்ள வாடிக்கையாளர்களை ஈர்க்கின்றது.
DFCC வங்கியின் உப தலைவரும், அட்டை மையத்தின் தலைமை அதிகாரியுமான டென்வர் லூயிஸ் அவர்கள் இது குறித்து கருத்து தெரிவிக்கையில், “இப்பருவகாலத்தில் தள்ளுபடிகளுக்கும் அப்பால் மதிப்பை வழங்குவதையிட்டு நாம் மிக்க மகிழ்ச்சி அடைந்துள்ளதுடன், எமது அட்டைதாரர்களுக்கு உண்மையான நிதி நெகிழ்திறனையும் வழங்குகின்றோம். இலங்கையின் அபிமானம் பெற்ற வர்த்தகநாமங்கள் பலவற்றுடன் கைகோர்ப்பதன் மூலமாக, பருவகாலத்தின் குதூகலத்தை அனைவரும் அனுபவிப்பதை உறுதிப்படுத்துவதற்காக பரந்த வகைப்பட்ட சேமிப்புக்களின் தெரிவை DFCC வங்கி வழங்குகின்றது. எமது அட்டைதாரர்களின் முன்னுரிமைகளை விளங்கிக்கொண்டு, அவர்களுடைய வாழ்வை இலகுவாக்கி, மேலும் அனுபவிக்கக்கூடிய ஒன்றாக மாற்றியமைப்பதற்கான வரப்பிரசாதங்களை வழங்குவதில் நாம் தொடர்ந்தும் அர்ப்பணிப்புடன் உள்ளோம். வெட்டுமுனை வடிமைப்பு மற்றும் rPVC ஆகியவற்றை ஒருங்கிணைத்து, தமது மதிப்புக்களுடன் ஒன்றியுள்ள புத்தாக்கமான தயாரிப்பொன்றை எமது வாடிக்கையாளர்களுக்கு நாங்கள் வழங்குகின்றோம். பாவனையை இலகுபடுத்தி, பொறுப்புணர்வுள்ள வழியில் மூலப்பொருள் தெரிவுகளுக்கு முன்னுரிமையளித்து, நிலைபேற்றியல் கொண்ட வங்கித் தீர்வுகளை வழங்குவதில் முன்னிலை வகிப்பதையிட்டு நாம் பெருமை கொள்கின்றோம்,” என்று குறிப்பிட்டார்.
பருவகாலத்திற்கும் அப்பாற்பட்ட பிரத்தியேகமான நன்மைகள் – ஆண்டு முழுவதும் கிடைக்கும் வெகுமதிகள்
பண்டிக்கைக்கால வெகுமதிகள் வெறும் ஆரம்பம் மாத்திரமே. DFCC வங்கி கடனட்டை வாடிக்கையாளர்கள் தாம் மேற்கொள்ளும் ஒவ்வொரு கொடுப்பனவின் போதும் 1% cashback சலுகை, வாழ்க்கைமுறை, பிரயாணம், உணவு விருந்து மற்றும் எரிபொருள் பிரிவுகளில் கூடுதல் cashback சலுகைகள் உட்பட ஆண்டு முழுவதும் வெகுமதிகளை அனுபவிக்க முடியும். வேறுபட்ட வாழ்க்கைமுறைகளுக்கேற்றவாறு வடிவமைக்கப்பட்டுள்ள மகளிருக்கென விசேடமாக வடிவமைக்கப்பட்ட ஆலோகா கடனட்டை அடங்கலாக, DFCC மாஸ்டர்காட் மற்றும் வீசா கடன் மற்றும் டெபிட் அட்டைகள், அட்டைதாரர்கள் அனைவருக்கும் ஒப்பற்ற நன்மைகளை வழங்குகின்றன. DFCC டெபிட் அட்டைதாரர்கள் பருவகால சலுகைகளில் முன்னுரிமைத் தெரிவை அனுபவிப்பதுடன், வெகுமதியளிக்கும் இந்த ஊக்குவிப்புச் பிரச்சாரத்தின் மூலமாக அட்டைதாரர்கள் அனைவரும் முழுமையான பயனைப் பெற்றுக்கொள்வது உறுதி செய்யப்படுகின்றது.
பண்டிகைக்கால உற்சாகத்தை உள்வாங்கி, Lanka IOC Mastercard Titanium கடனட்டைதாரர்கள் பருவகாலம் முழுவதும் 5% cashback சலுகையை தொடர்ந்தும் பெற்று அனுபவிக்க முடிவதுடன், ஒவ்வொரு பரிவர்த்தனையின் போதும் கூடுதல் சௌகரியத்தையும், எளிமையையும் வழங்குகின்றது. இந்த பிரத்தியேக நன்மைகள் வாடிக்கையாளர்கள் தம்முடைய விடுமுறை செலவுகளின் போது கணிசமான சேமிப்புக்களையும், நிதி நெகிழ்திறனையும் அனுபவிப்பதை உறுதி செய்கின்றன.
பிரத்தியேகமான பருவகால சலுகைகள் மற்றும் ஆண்டு முழுவதும் கிடைக்கின்ற மதிப்புமிக்க நன்மைகள் ஆகியவற்றுடன், நிகரற்ற விடுமுறை அனுபவத்தை வழங்குவதையிட்டு DFCC வங்கி அட்டைகள் பெருமை கொள்கின்றன. பருவகாலத்தின் பெரும்பகுதியை இலகுவாகவும், நெகிழ்திறனுடனும் வாடிக்கையாளர்கள் சேமித்து, மகிழ்வதற்கு அவை உதவுகின்றன. பொருட் கொள்வனவு, உணவு விருந்து, பிரயாணம் அல்லது ஆறுதலாக ஓய்வெடுப்பதற்கும் என எதுவானாலும் அனைவரும் மறக்க முடியாத மற்றும் வெகுமதியளிக்கும் விடுமுறை பருவகாலத்தை அனுபவிப்பதை DFCC உறுதிசெய்வதுடன், rPVC பிளாஸ்திக்கை உபயோகித்து, சமூகரீதியாக பொறுப்புணர்வுடன் செயல்படுகின்றோம் என்ற திருப்தியையும் அவர்களுக்கு வழங்குகின்றன.
