ශ්‍රී ලංකාවේ දැව ආලේපන සම්බන්ධ වෙළඳපොළ ප්‍රමුඛයා වන JAT Holdings PLC හඳුන්වා දුන් Brilliant white තීන්ත එකතුවක් වන WHITE by JAT සහ, ශ්‍රී ලංකාවේ උසස් තත්ත්වයේ ටයිල් සහ ඉදිකිරීම් උපාංග සැපයීමේ ප්‍රමුඛයෙකු වන LANKATILES අතර විශේෂ හවුල්කාරීත්වයකට පසුගියදා අත්සන් තබන ලදි. විශේෂයෙන්ම කොළඹ හා තදාසන්න ප්‍රදේශවල පාරිභෝගිකයන්ට වඩාත් පහසුවෙන් WHITE by JAT නිෂ්පාදන මිලදීගැනීමට අවස්ථාව සලසා දීම මෙහි අරමුණ විය.
මෙම සුවිශේෂී හවුල්කාරීත්වයේ ආරම්භය සනිටුහන් කිරීමේ විශේෂ ප්‍රවර්ධනයක් වශයෙන්, WHITE by JAT නිෂ්පාදන කුමන ප්‍රමාණයක් මිලදී ගත්තද ඒ සඳහා 40% ක වට්ටම් පිරිනැමීමට කටයුතු යොදා ඇත. මෙය පාරිභෝගිකයන්ට ඉතාම සහනදායී මිලගණන් යටතේ තම නිවාස හා කාර්යාල අලංකාර කරගැනීමට ලැබෙන අනගි අවස්ථාවක් වනු නිසැක ය.
ශ්‍රී ලංකාව තුළ Colour-Guard තාක්ෂණය භාවිතා කරන එකම සන්නාමය වන්නේ WHITE by JAT වන අතර, ඒ නිසාම WHITE by JAT අභ්‍යන්තර හා බාහිර brilliant white emulsion තීන්ත අවපැහැ වීම, පිපිරීම සහ කුඩු ඇතිවීම ආදිය ඇති නොවන බවට වසර 8 ක් තරම් දීර්ඝ වගකීමක් ලබාදීමට හැකි වී ඇත. එපමණක් නොව, WHITE by JAT දැනට වෙළඳපොළේ ඇති වෙනත් ඕනෑම brilliant white තීන්ත හෝ ආලේපනයක් සමග සසඳන විට ලීටරයකට ඉහළම ආවරණයක් සමග වඩාත් හොඳ සුමට නිමාවක්, පාරාන්ධතාවක් සහ සුදු පැහැයක් ලබාදෙයි.
“LANKATILES සමග ඇතිකරගත් හවුල්කාරීත්වය අපගේ ඉදිරි ගමනේ තවත් සුවිශේෂී සන්ධිස්ථානයක්. විශිෂ්ටතම මට්ටමේ අභ්‍යන්තර හා බාහිර තීන්ත නිෂ්පාදන වෙළඳපොළට සැපයීමට අප කැප වී සිටිනවා. මෙම හවුල්කාරීත්වය මගින් අපට වැඩි පාරිභෝගික පිරිසක් වෙත සමීප වීමට හැකි වේවි. එමෙන්ම මෙම හවුල්කාරීත්වය යටතේ අපගේ නිෂ්පාදන අලෙවියට තබා තිබෙන Lanka Wall Tiles ප්‍රදර්ශනාගාරවල පුහුණුව ලත් විශේෂඥයන් සේවයේ යෙදී සිටින බවත්, ඔවුන් පාරිභෝගිකයන්ගේ ගැටලුවලට පිළිතුරු ලබාදෙමින් ඔවුන්ට සහය වීමටත් තීන්ත වර්ග නිර්දේශ කිරීමටත් සූදානමින් සිටින බවත් කියන්නේ ඉමහත් සතුටින්.” JAT Holdings PLC හි අලෙවිකරණ ජ්‍යෙෂ්ඨ සාමාන්‍යාධිකාරී ඩිල්ෂාන් රොද්‍රිගෝ මහතා පැවසී ය.
2020 වර්ෂයේ දෙසැම්බර් මාසයේදී හඳුන්වා දුන් WHITE by JAT, ශ්‍රී ලංකාව තුළ වේගයෙන්ම ජනප්‍රිය වන brilliant white තීන්ත එකතුවක් බවට පත් විය. මේ වනවිට නිෂ්පාදන තිරසාරත්වය හා අලෙවිකරණ විශිෂ්ටත්වය වෙනුවෙන් WHITE by JAT සම්මාන රැසකින්ද පිදුම් ලබා තිබේ. නවෝත්පාදනය හා පාරිභෝගික තෘප්තිය උදෙසා කැපවීම හේතුවෙන් එය මෙරට තීන්ත කර්මාන්තයේ ප්‍රමුඛතම නාමයක් බවට පත් වී ඇත.
“LANKATILES ප්‍රදර්ශනාගාර ජාලයෙන් දැන් WHITE by JAT නිෂ්පාදන මිලදීගත හැකි බව දැනුම් දෙන්නේ ඉමහත් සතුටින්. ශ්‍රී ලංකාවේ ප්‍රමුඛතම ටයිල් සන්නාමය ලෙස අපගේ ඉදිරි ගමනේ තවත් සන්ධිස්ථානයක් ලෙස අප මෙය දකිනවා. විශිෂ්ට නිෂ්පාදන සමගින් සම කළ නොහැකි පාරිභෝගික සේවාවක් ලබාදීම සඳහා අප තුළ ඇති කැපවීම කිසි විටෙකත් වෙනස් වන්නේ නැහැ. WHITE by JAT නිෂ්පාදන අපගේ ප්‍රදර්ශනාගාර තුළ අලෙවි කිරීම ආරම්භ කිරීම අපගේ පාරිභෝගිකයන්ගේ විවිධාකාර වූ අවශ්‍යතාවන් සපුරාලීම සඳහා ගත් තවත් වැදගත් ඉදිරි පියවරක් ලෙස හැඳින්වීමට පුළුවන්.” LANKATILES සමූහ අලෙවිකරණ ප්‍රධානී දමින්ද පෙරේරා මහතා පැවසී ය.
අභ්‍යන්තර බිත්ති අලංකාර කරන Interior Emulsion, බාහිර බිත්ති ආරක්ෂා කරන Exterior Weather coat, පින්තාරු කළ සහ නොකළ බිත්ති සහ සීලිම් සඳහා යටි ආලේපනයක් ලෙස භාවිතා කළ හැකි, ඉතාම සුමුදු මතුපිටක් ලබාදෙන Interior Wall Filler සහ ශ්‍රී ලංකාවේ කාලගුණ තත්ත්වයන්ට හොඳින් ගැළපෙන, පැල්ලම් අවම කරන Exterior Sealer ආදිය WHITE by JAT නිෂ්පාදන අතර ප්‍රධාන තැනක් ගනී. මෙම නිෂ්පාදන සියල්ල බිත්තිවලට ආරක්ෂාව ලබාදෙමින් ඒවායෙහි පෙනුම දිගුකල් ආරක්ෂා කරයි.
අතුරුගිරිය, මාලබේ, බැලුම්මහර, ගම්පහ, ජා ඇල, කඩවත, කඩුවෙල, කොට්ටාව, මීගමුව, කිරිබත්ගොඩ, වත්තල සහ නාවල ඇතුළුව කොළඹ අවට LANKATILES ප්‍රදර්ශනාගාර රැසකින් දැන් WHITE by JAT නිෂ්පාදන මිලදීගත හැකි වේ. එමෙන්ම www.whitebyjat.com ඔස්සේ WHITE by JAT නිෂ්පාදන නිවසටම ගෙන්වා ගැනීමටද දිවයින පුරා වෙසෙන පාරිභෝගිකයන්ට අවස්ථාව ලබා දී ඇත.
