මෙරට ප්‍රමුඛතම ක්ෂණික-සේවා අවන්හල් ජාලය වන Perera & Sons Bakers සමාගම Gamer.LK සමඟ එක්ව සංවිධානය කළ ‘P&S Esports Contenders 2023’ තරගාවලිය පසුගිය නොවැම්බර් 4 සහ 5 යන දිනවල දී අති සාර්ථක ව පැවැත්විණි. ‘P&S Esports Contenders’ තරගාවලි ඉතිහාසයේ ප්‍රථම වරට LAN (Local Area Network) ආකෘතියට අනුකූල ව පවත්වන ලද මෙවර තරගාවලිය අන්තර්ජාලය ඔස්සේ ක්‍රීඩාවල නිරත වන ක්‍රීඩක ක්‍රීඩිකාවන්ට නැවුම් අත්දැකීමක් විය.
මෙම තරගාවලිය සඳහා බදුල්ල, අනුරාධපුර, රත්නපුර, මහනුවර ඇතුළු ප්‍රදේශ ගණනාවක ක්‍රීඩා සමාජ 30ක් නියෝජනය කරමින් ක්‍රීඩක ක්‍රීඩිකාවෝ 1800කට අධික සංඛ්‍යාවක් සහභාගි වූහ. Free Fire, PUBG MOBILE, FIFA 23, Kart Rider Drift, Mortal Kombat 1, සහ Gamer.LK’s Cricket Sixes යන තරග අංශ 6ක් යටතේ පැවැත්වුණු මෙම තරගාවලියේ දී වැඩි ම රන් පදක්කම් ලබා ගත් ක්‍රීඩා සමාජය වෙත ‘P&S Best Clan Award’ සම්මානය පිරිනැමුණු අතර, ‘P&S Esports Contenders’ තරගාවලි ඉතිහාසයේ මෙම සම්මානය පිරිනැමුණු ප්‍රථම අවස්ථාව මෙය විය.
Perera & Sons මඟින් ස්ථාපිත ‘Level Up Café by P&S’ අලෙවිසැල මෙවර තරගාවලියට සහභාගි වූ සියලු පාර්ශ්වයන්ගේ විශේෂ අවධානය දිනා ගත් අතර, එමඟින් ජයග්‍රාහකයින් වෙත චිකන් කොත්තු, Booyah Veg Roll, Eclair of Eternity සහ Sub-Zero Iced Coffee වැනි ප්‍රණීත ආහාර පානවලින් සංග්‍රහ කෙරිණි.
