DFCC බැංකුව, 68 වැනි වාර්ෂික මහා සභා රැස්වීම අතිසාර්ථක ලෙස පසුගියදා පවත්වනු ලබයි.

DFCC බැංකුවේ කොටස් හිමිකරුවන්ගේ සහභාගීත්වයෙන් පවත්වනු ලබන වාර්ෂික මහා සභා රැස්වීම 2024 මාර්තු 28 වන දින එම බැංකුවේ ප්‍රධාන කාර්යාලයීය ශ්‍රවණාගාරයේදී පැවැත්විණි. එහිදී ඉදිරි මූල්‍ය වර්ෂය තුළ සිදුකිරීමට නියමිත වැදගත් ව්‍යාපාරික කටයුතු රැසක් සම්බන්ධයෙන් කොටස් හිමියෝ තම ඡන්දය ප්‍රකාශ කළහ. එමෙන්ම මෙය DFCC බැංකුවට තමන් 2023/24 මූල්‍ය වර්ෂය තුළ අත්කරගත් ජයග්‍රහණ පිළිබඳව කරුණු ඉදිරිපත් කිරීමට අගනා වේදිකාවක් විය. 2023/24 මූල්‍ය වර්ෂය DFCC බැංකුව වාර්තාගත ජයග්‍රහණ රැසක් වාර්තා කළ මූල්‍ය වර්ෂයක් වූ අතර, එහිදී මූල්‍ය ක්‍රියාකාරීත්වය අතින් තිරසාරත්ව ඉලක්ක ළඟාකරගැනීම සම්බන්ධයෙන්ද කැපීපෙනෙන ප්‍රගතියක් වාර්තා කිරීමට බැංකුවට හැකියාව ලැබිණි. මේ ආකාරයට මූල්‍ය ශක්තිය වැඩිදියුණු කරගැනීමට සමගාමීව තිරසාරත්වයටද මුල්තැන දෙමින්, අභියෝග ජයගනිමින්, සමස්ත ශ්‍රී ලංකාවාසීන් වෙනුවෙන් දීර්ඝකාලීන වටිනාකම් නිර්මාණය කිරීම DFCC බැංකුවේ අරමුණ වී තිබේ.