ඓතිහාසික මරඳ මඩු දේවස්ථානයේ වාර්ෂික මංගල්‍යය අද (15) පැවැත්විණි. මරියෝත්තමාවන්ගේ ස්වර්ගරෝපිතවීම හෙවත් අහස් නැගීමේ මංගල්‍යය මුල් කර ගනිමින් සෑම වසරකම අගෝස්තු මස 15 වැනි දා මෙම මංගල්‍යය පැවැත්වේ.
ඒ අනුව, මංගල්‍ය දිව්‍ය පූජාව අද උදෑසන 6.00 ට ආරම්භ වූ අතර ඒ සඳහා, විශාල බැතිමතුන් පිරිසකගේ සහභාගී විය.
මෙවර ද, මන්නාරම රදගුරු අතිඋතුම් එම්මානුවෙල් ප්‍රනාන්දු හිමිපාණන්ගේ ආරාධනයෙන් පැමිණි සිටි වතිකානු අපෝස්තලික තානාපති අතිඋතුම් බ්‍රයන් උඩප්පේ හිමිපාණන්, ගාල්ල රදගුරු අතිඋතුම් රේමන් වික්‍රමසිංහ හිමිපාණන්, අනුරාධපුර රදගුරු අතිඋතුම් නෝබට් අන්දාදි හිමිපාණන් ඇතුළු ගරු පූජා ප්‍රසාදීන් වහන්සේලා රැසකගේ සහභාගීත්වයෙන් මංගල්‍ය දිව්‍ය පූජාව පැවැත්ව්ණි.
