කෘෂියාන්ත්‍රීකරණය තුළින් ගොවි ජනතාවගේ ජීවන තත්වය ඉහළ නැංවීමේ තවත් එක් පියවරක් ලෙස ගොවි ජනතාවට Mahindra ට්‍රැක්ටර් රථ මිලදී ගැනීමේදී නොමිලේ ලැප්ටොප් පරිගණක, ටැබ්, සහ ඉලෙක්ට්‍රික් බයිසිකල් සහ විදේශ සංචාර පිරිනැමීමට DIMO ආයතනය “මහට වහින වාසි වැස්ස” පසුගියදා හදුන්වා දෙනු ලැබුවා.
කෘෂි ක්ෂේත්‍රයේ කාර්යක්ෂමතාවය සහ ඵලදායිතාවය වැඩිකිරීම සඳහා යාන්ත්‍රීකරණය සහ නවීන තාක්ෂණය භාවිතය බෙහෙවින් වැදගත් වේ. ලොව සුපතල උසස් සන්නාමයන් යටතේ කෘෂි යන්ත්‍රෝපකරණ ශ්‍රී ලංකාව තුළ බෙදාහරින නියෝජිතයෙකු ලෙස මෙරට කෘෂිකර්මාන්තයට මහඟු දායකත්වයක් සපයන DIMO ආයතනයේ බලාපොරොත්තුව වන්නේ මෙරට කෘෂියාන්ත්‍රීකරණය බලගැන්වීමත් ඒ තුළින් ගොවි ජනතාවගේ ජීවන තත්වය ඉහළ නැංවීමයි. Mahindra ට්‍රැක්ටර් රථ මිලදී ගැනීමේදී නොමිලේ ලැප්ටොප් පරිගණක, ටැබ්, සහ ඉලෙක්ට්‍රික් බයිසිකල් පිරිනැමිම තුළින් ගොවි ජනතාවට සිය එදිනෙදා වැඩකටයුතු පහසු කරගැනීමටත් නවීන තාක්ෂණය සිය කෘෂි කටයුතු සඳහා යොදාගැනීමටත්,විශේෂයෙන්ම අන්තර්ජාලය හරහා නව දැනුම, වගාවන්ට අදාළ තොරතුරු, දත්ත ලබාගැනීමටත් හැකියාව ලැබෙනවා. මිට අමතරව සිය වගා කටයුතූ සදහා යොදාගත හැකි මඩ වීල් ද ගොවීන්ට “මහට වහින වාසි වැස්ස” හරහා නොමිලේ ලබාගත හැක.
තෝරා ගැනීම් 4කින් යුත් මෙම “මහට වහින වාසි වැස්ස“ මඟින් ගොවි ජනතාවට තමන් කැමති තෑගි පැකේජයක් තෝරාගත හැකි අතර මෙහි පළමු තෑගි පැකේජය සඳහා ඉලෙක්ට්‍රික් බයිසිකලයක් ඇතුළත් වන අතර දෙවන පැකේජය ඔස්සේ අපූරු අත්දැකීමක් සමඟින් මැලේසියානු විදෙස් සවාරියක් පිරිනැමේ. මැලේසියානු විදෙස් සවාරිය කණ්ඩායම් වශයෙන් නොමිලේ ආහාර පාන සහ නවාතැන් ආදී සියලුම පහසුකම් සහිතව පිරිනැමීමට සැලසුම් කර ඇත. ලැප්ටොප් පරිගණකයක් සහ ටැබ් එකක් මෙහි තෙවන පැකේජයේ ඇතුලත් වන අතර සිව්වන පැකේජය යටතේ ලැප්ටොප් පරිගණකයක් සහ මඩ වීල් 2ක් හිමිවේ. මෙහි පළමු අදියරේ ත්‍යාග පිරිනැමීම පසුගියදා සිදුවූ අතර අගෝස්තු 1 වන දා සිට නොවැම්බර් 30 වන දා දක්වා මිලදීගන්නා ඕනෑම Mahindra ට්‍රැක්ටර් රථයක් සඳහා මෙම අවස්ථාව හිමිවේ.
“මහට වහින වාසි වැස්ස” ප්‍රවර්ධන වැඩසටහනකටත් වඩා අපි බලාපොරොත්තු වන්නේ ඒ තුළින් ගොවි ජනතාවට ලැබෙන ප්‍රතිලාභ හරහා ඔවුන්ගේ පවුල්වලට ධනාත්මක වෙනසක් ඇති කිරීමයී. උදාහරණයක් ලෙස ලැප්ටොප් පරිගණකයක් එම පවුලේ සිටින දරුවන්ගේ අධ්‍යාපන කටයුතු සඳහා මෙන්ම පවුලේ අයට අවශ්‍ය මාර්ගගත අධ්‍යාපනික පාඨමාලා හැදෑරීම ආදියට යොදාගත හැකි අතර ඉලෙක්ට්‍රික් බයිසිකලයක් අඩු පිරිවැයකින් පිරිමැසුම්දායි ලෙස පවුලේ නොයෙකුත් කෙටි ගමන්බිමන් සඳහා යොදා ගත හැකි වෙනවා. විදෙස් සවාරි තුළින් ගොවි ජනතාවට විදෙස් රටක නවතම අත්දැකීමක් ලබා දීමෙන් මානසික යහපැවැත්ම වර්ධනය කිරීමට හැකිවනු ඇතැයි අපි විශ්වාස කරනවා. අපි මෙම “මහට වහින වාසි වැස්ස” සඳහා තෑගි තෝරා ගැනීමේදී ගොවීන්ට සහ ඔවුන්ගේ පවුල්වල අවශ්‍යතාවයන්ට මුල්තැන දෙමින් මෙම තෑගි වර්ග තෝරා ගනු ලැබුවා” යැයි DIMO ආයතනයේ කෘෂි යන්ත්‍රෝපකරණ අංශය භාරව කටයුතු කරන විධායක අධ්‍යක්ෂක රජීව් පණ්ඩිතගේ මහතා සඳහන් කළේය.
“මෙවැනි වැඩසටහන් තුළින් ගොවි ජනතාවට ශක්තියක්වීමටත් ඒ තුළින් කෘෂියාන්ත්‍රීකරණය සඳහා වන උනන්දුව වැඩිකරමින් කෘෂිකර්මාන්තය නව තලයකට ගෙන ඒමටත් අපි බලාපොරොත්තු වෙනවා” ඔහු තවදුරටත් සදහන් කළේය.
මෙරට කෘෂිකර්මාන්තයේ අභිවෘද්ධිය වෙනුවෙන් සැමවිටම කැපවී සිටින DIMO, කෘෂිකර්මාන්තයේ නියැලී සිටින ගොවිජනතාවගේ ජීවන තත්ත්වය ඉහළ නැංවීම වෙනුවෙන්ම සංවිධානය කළ සුවිශේෂී අවස්ථාවක් ලෙස මෙම “මහට වහින වාසි වැස්ස” හැඳින්විය හැකි අතර එය මෙරට ගොවි ජනතාවගේ සිහින සහ අභිලාෂයන් බලගැන්වීමට ද දායක වනු ඇත.
