සෑම මාසයකම TikTok වෙත එක් වන ග්‍රාහක ප්‍රමාණය බිලියනයකට අධිකය. ඊට එක්වීම තුළින් ඔවුන් බලාපොරොත්තු වන්නේ ඔවුන්ට ගැලපෙන සබඳතා වර්ධනය කර ගැනීම හා මිතුරු මිතුරියන් සොයා ගැනීමයි. මෙහිදී #MentalHealth හා #MentalHealthAwareness සම්බන්ධ සංවාදයන්ට හිමිවන්නේ ප්‍රමුඛස්ථානයකි. ඒ සම්බන්ධ වීඩියෝ මිලියන 20කට අධික ප්‍රමාණයක් නරඹා තිබෙන අතර TikTok හි ඉලක්කය වන්නේ මිනිසුන්ට ඔවුන්ගේ මානසික යහපැවැත්ම පිළිබඳව වැඩි අවබෝධයක් ලබා දෙන තොරතුරු හා අදහස් වැඩි වැඩියෙන් ලබා දීමේ වේදිකාවක් නිර්මාණය කිරීමයි. විශේෂයෙන් මිනිසුන්ට අන්තර් ක්‍රියාවන් තුළින් එකිනෙකා සමඟ අදහස් බෙදා ගත හැකි මාධ්‍යක් වන බැවින් TikTok මීට කදිම අවස්ථාවක් නිර්මාණය කරන අතර මානසික සෞඛ්‍යය පිළිබඳව දැනුවත් කිරීමේ මාසය නිමිති කර ගනිමින් එය තවදුරටත් ජනතාව වෙත ගෙන යාමට ඔවුන් බලාපොරොත්තු වේ.
ඩිජිටල් යහපැවැත්ම සමඟ පරිශීලකයින් සවිබල ගැන්වීම
සෞඛ්‍ය සම්පන්න ජීවිතයක් සඳහා අවැසි හුරු පුරුදු ජනතාව වෙත ගෙන යමින් ඒවා සම්බන්ධයෙන් ඔවුන්ව දිරි ගැන්වීමට TikTok කටයුතු කරයි. විශේෂයෙන් ඩිජිටල් යහපැවැත්මේ මෙවලම් හරහා පරිශීලයින්ට ඔවුන්ගේ කාලය, අන්තර්ගතය හා අන්තර්ක්‍රියා කල්පනාකාරී අයුරින් මෙහෙයවීමේ හැකියාව ලබා දී ඇති ආරක්ෂිත අවකාශයක් ලෙස සමබර සබඳතාවක් පවත්වාගෙන යාමේ අවස්ථාව TikTok පරිශීලකයින් හට උදාකර දී ඇත. එහි ඒ සඳහා අවශ්‍ය විශේෂාංග රැසක් ඇතුළත් වේ.
මෙහිදී තරුණ පරිශීලකයින් හට වඩා වැදගත් පුරුදු නිර්මාණය කිරීමට අවශ්‍ය සහයෝගය ලබා දීම වෙනුාවෙන් දෛනික තිර කාල සීමාවන් ක්‍රියාත්මක කර ඇති TikTok අවුරදු 18ට අඩු පරිශීලකයින් වෙනුවෙන් උපරිම පැයක කාලයක් භාවිත කිරීමට හැකි පරිදි එම සීමාවන් සකස් කර ඇත. තම දරුවන්ගේ ඩිජිටල් අත්දැකීම් ලබා ගැනීමේ නිදහස ලබා දී ඇති මව්පියන් හට දරුවන්ගේ ක්‍රියාකාරකම් පාලනය කිරීමටද මෙහිදී හැකි වේ. මෙම විශේෂාංගයන් තුළින් පරිශීලකයින්ට ගැලපෙන ආකාරයෙන් TikTok වේදිකාව පාලනය කිරීමට හැකියාව උදා වන බව මනාව සහතික කොට ඇත.
තවද මෙහිදී TikTok විසින් ලබා screen time dashboard ද ඉතා වැදගත් වේ. පරිශීලකයින් හට දෛනික ක්‍රියාකාරකම් පිළිබඳව අවබෝධයක් ලබා දෙන එය තමන්ගේ තිර කාලය හා සක්‍රීය වේලාවන් මත අදාළ උපාංග ප්‍රදර්ශනය කිරීමේ හැකියාවද හිමි කර දෙයි. මීට අමතරව පරිශීලකයින්ගේ විරාමයන් දිරි ගැන්වීමට හා මහන්සිය අවම කර ගැනීමට ඔවුන්ට ගැලපෙන ආකාරයේ විවේකය ලබා ගැනීමක් පිළිබඳ මතක් කිරීම් සකස් කළ හැකි custom break reminders තුළින්ද සෞඛ්‍ය සම්පන්න අත්දැකීමක් තිළිණ කිරීමට TikTok සමත්ව සිටියි.
මානසික සෞඛ්‍යය උපදේශකයින් හා විශ්වාසදායක සංවිධාන සමඟ සහයෝගයෙන් කටයුතු කිරීම
TikTok හි වඩාත් ශක්තිමත් වැඩසටහනක් ලෙස මානසික සෞඛ්‍යය උපදේශනය සඳහා කැපවී සිටින සංවිධාන හා නිර්මාණකරුවන් සමඟ ඇති හවුල්කාරීත්වය සඳහන් කළ හැකිය. ලෝක සෞඛ්‍යය සංවිධානය, ප්‍රාදේශීය මානසික සෞඛ්‍යය සංවිධානය හා මානසික සෞඛ්‍යය සඳහා බලපෑම් කරන්නන් සමඟ සහයෝගීතාවයෙන් යුත් මෙම වැඩපිළිවෙල තුළින් විශ්වසනීය, නිවැරදි තොරතුරු ප්‍රේක්ෂකයා වෙත ගෙන යාමට TikTok සමත්ව සිටියි.
එසේම විශ්වාසවන්ත විශේෂඥයින් සමඟ එක්ව විවිධ මානසික සෞඛ්‍ය පිළිබඳ මාතෘකා පිළිබඳව පරිශීලකයින් දැනුවත් කිරීමේ අවස්ථාව ඉහළ නැංවීමටද TikTok කටයුතු කරයි. Dr. Sasha Hamdani සහ Joel Bervell වැනි ADHD කළමනාකරණයේ සිට සෞඛ්‍ය ආරක්ෂණ ප්‍රවේශය දක්වා ගැටලු අවබෝධ කර දෙන නිර්මාණකරුවන් බිහි කිරීමටද ඊට හැකි වී තිබේ. ඒවා තුළින් මානසික සෞඛ්‍යය එදිනෙදා සංවාදයන් වෙත එක් කිරීමට, ඒවා සම්බන්ධ දුර්මතයන් බිඳ හෙලීමට මෙන්ම දැනුම ලබා දීමට හැකි වී ඇත.
සෙලීනා ගෝමස් විසින් ආරම්භ කරනු ලැබූ Rare Impact Fund සමඟ එක්ව මානසික සෞඛ්‍යය සඳහා සිය කැපවීම අවධාරණය කරන TikTok මෙම අරමුදල සඳහා ඩොලර් 250,000ක දායකත්වයක් ලබා දීමද විශේෂත්වයක් ලෙස සඳහන් කළ හැකිය.
මානසික සෞඛ්‍යය ඉහළ නැංවීම වෙනුවෙන් hashtag සහ ප්‍රජා අභියෝග දිරි ගැන්වීම
හෑෂ් ටැග් මත පදනම් වූ ව්‍යාපාර මත ප්‍රජා සහභාගීත්වය ඉහළ නංවන TikTok මෙම මානසික සෞඛ්‍යය පිළිබඳ දැනුවත් කිරීමේ මාසයේදී #MentalHealthAwareness: Better Together දියත් කරනු ලැබූ අතර පරිශීලකයින් හට තමනගේ අදහස් බෙදාහදා ගැනීමට, තොරතුරු ලබා දීමට අභියෝගවලට මුහුණ දෙන අය සමඟ සම්බන්ධ වීමට අවස්ථාව සලසනු ලබයි. එසේම මානසික සෞඛ්‍යය අන්තර්ගතයන් සමඟ සම්බන්ධ වීමට හා යහපැවැත්ම ඉහළ නැංවීමට අවශ්‍ය සම්පත් වෙත ප්‍රවේශ වීමේ අවස්ථාවද මේ තුළින් ලබා දෙයි.
මේ වසරේදී විශේෂයෙන් #MentalHealth හැෂ් ටැගය පිළිබඳ වැඩි අවධානයක් යොමු කර ඇති TikTok පරිශීලකයින් හට ඒ සම්බන්ධ වීඩියෝ, විශේෂඥ උපදෙස් හා දිරි ගන්වන කතා පුවත් සොයා ගැනීමේ අවස්ථාව උදා කර දෙයි. මෙම අන්තර්ගතයන් තුළින් වැඩි වශයෙන් මානසික සෞඛ්‍යය පිළිබඳ තොරතුරු වලට පහසුවෙන් පිවිසීමේ අවස්ථාව TikTok උදා කර දී ඇත.නිර්මාණශීලී ඩිජිටල් අවකාශයක් තුළ පරිශීලකයින්ගේ නිර්මාණශීලීත්වය බෙදාහදා ගැනීම තුළින් විනෝදාස්වාදය පමණක් නොව මානසික සෞඛ්‍යය යහපැවැත්ම පිළිබඳ දැනුවත්භාවය ඉහළ නැංවීමට මෙන්ම ඒ වෙනුවෙන් අවශ්‍ය සියලු සහයෝගය ලබා දීමට කැපවී සිටින TikTok මානසික සෞඛ්‍යය පිළිබඳ දැනුවත් කිරීමේ මාසයේදී එය වඩාත් අරුත් ගන්වන්නට කටයුතු කර ඇත.
