තායිලන්ත අගමැති ධුරය සඳහා එරට පාර්ලිමේන්තුව මගින් මීට දින දෙකකට පෙර තෝරා පත්කර ගත් පේටොන්ග්ටාන් ශිනවත් සඳහා තායිලන්ත රජතුමා ගේ අනුමැතිය ලැබී තිබේ.
ඒ අනුව එරට ළාබාලතම අගමැති ලෙස ඇය වාර්තාගත වෙයි. 37 හැවිරිදි වියේ පසුවන පේටොන්ග්ටාන්, තායිලන්තයේ හිටපු අගමැතිවරයෙක් වන තක්සින් ශිනවත් ගේ දියණිය කි.
ඇය එම ධුරය සඳහා තෝරාගනු ලැබුවේ එරට අගමැති ලෙස කටයුතු කළ ශ්‍රේතා තවිසින් ව ව්‍යවස්ථාදායක අධිකරණය මගින් බලයෙන් පහ කිරීම හේතුවෙනි.
ඉදිරි දින කිහිපයේදී ඇය සිය අමාත්‍ය මණ්ඩලය පත් කිරීමට නියමිතය. තම පියාට රජයේ වගකීමක් දීමට අදහස් නොකරන බව පැවසූ පේටොන්ග්ටාන් පෙන්වා දුන්නේ තමා සිය පියාගේ උපදෙස් බලාපොරොත්තු වන බවයි.
