මෙරට විශ්වාසවන්තම තිරිඟු පිටි සපයන්නන් අතර ඉහළින්ම රැඳී සිටින සෙරන්ඩිබ් ෆ්ලො මිල්ස් විසින් අලුතින්ම හඳුන්වා දුන් සෙවන් ස්ටාර් ප්‍රිමියම් බේකරි පිටි සමඟින් බේකරි කර්මාන්තය නව මාවතකට යොමු වී තිබේ.
“සුපිරි පාන් නිමැවුමක් සඳහා“ යන තේමාව පෙරදැරි කරගනිමින් සෙරන්ඩිබ් සෙවන්ස්ටාර් ප්‍රිමියම් බේකරි පිටි, බේකරි කර්මාන්තයේ විශිෂ්ටත්වය නව ප්‍රමිතීන් කරා ගෙන යයි. කර්මාන්තයේ නව වෙනසක් ඇති කරමින් ගුණාත්මකභාවය සහ කාර්ය සාධනය සඳහා නව ප්‍රමිතීන් හඳුන්වාදීමද මේ හරහා සිදුවනු ඇත.
සැබැවින්ම ප්‍රිමියම් නිෂ්පාදනයක් ලෙස, නව සෙවන් ස්ටාර් ප්‍රිමියම් තිරිඟු පිටි බේකරි කර්මාන්තයේ ඉහළ විශ්වාසනීයත්වය දිනා ගනිමින් ගුණාත්මක තිරිඟු පිටි සඳහා තිබෙන ඉල්ලුම සපුරයි. මෙම නව පිටි නිශ්පාදනය හරහා පිටි ආශ්‍රිත ආහාර පාන සඳහා උසස් නිමාවක් ලබා දෙන අතරම ඒ තුළින් බේකරි කර්මාන්තයට ප්‍රතිලාභ රැසක් හිමි කර දෙයි. මෙමගින් පාන් සහ අනෙකුත් බේකරි නිශ්පාදන වල ගුණාත්මක භාවය ඉහළ නංවන අතර, බේකරි නිශ්පාදන සඳහා මනා පෙනුමක් සහ පරිපූර්ණ නිමාවක් ලබා දෙනු ලබයි. එමෙන්ම මේ තුළින් පාරිභෝගිකයන්ට සහ බේකරිකරුවන්ට මෘදු මෙන්ම රසවත් පාන් ඇතුළු නිශ්පාදනයන් පිළිබඳ විශ්වාසයක් ඇති කරනු ඇත.
මීට අමතරව බේකරි සඳහා වඩාත් හොඳ නිමාවකින් යුතු නිශ්පාදනයන් සිදු කිරීමට අවස්ථාව සැලසෙනවා මෙන්ම බේකරි හිමියන්ගේ නිශ්පාදන දියුණුවට අවශ්‍ය පසුබිමද මේ හරහා නිර්මාණය වනු ඇත. එහි ඉහළ ග්ලූටන් අන්තර්ගතය හේතුවෙන් සෙවන් ස්ටාර් ප්‍රිමියම් තිරිඟු පිටි මඟින් ජල අවශෝෂණය වැඩි කිරීමට හැකි වන අතරම, එහිදී බේකරිකරුවන්ට ඉහළ නිශ්පාදන ප්‍රමාණයක් සහ වැඩි ලාභයක් අපේක්ෂා කළ හැකිය.
සෙරන්ඩිබ් හි සන්නාම සහ සන්නිවේදන අධ්‍යක්ෂ කාලිංග විජේසේකර මහතා පැවසුවේ, “සෙවන් ස්ටාර් ප්‍රිමියම් බේකරි තිරිඟු පිටි බේකරි හිමියන්ගේ සහ පාරිභෝගිකයින්ගේ අවශ්‍යතා සපුරාලීම සඳහාම සකස් කර ඇති බවයි. ඉහළම ගුණාත්මක ප්‍රමිතීන් පවත්වාගෙන යන නව නිෂ්පාදන හඳුන්වා දෙන අතරම ‘ජාතිය පෝෂණය කිරීමට’ ඔවුන් කැපවී සිටින බවද ඔහු පවසා සිටියේය. සෙවන් ස්ටාර් ප්‍රිමියම් බේකරි තිරිඟු පිටි බේකරි කර්මාන්තයේ වෙනසක් සිදු කරන්නෙකු බවට පත් වීමට නියමිත බවද ඔහු පැවසීය.
වඩාත් ආකර්ශනීය මිලකට පිරිනමනු ලබන සෙවන් ස්ටාර් ප්‍රිමියම් බේකරි තිරිඟු පිටි මගින් සෙරන්ඩිබ් සමාගම විසින් සිය පාරිභෝගිකයින්ට වටිනාකමක් ලබා දීමට දරන කැපවීම මනාව පෙන්නුම් කරයි. එමෙන්ම සමාගම විසින් අදාළ ඉහළම ගුණාත්මක බව සහතික කරන අතරම දැරිය හැකි මිල ගණන් ඉතා උනන්දුවෙන් පවත්වා ගෙන ගොස් තිබේ. මේ පිළිබඳ පාරිභෝගිකයින්ගේ ආරම්භක ප්‍රතිචාරය අතිශයින් ධනාත්මක වූ අතර ඒ තුළින් නිෂ්පාදනයේ ආකර්ෂණය සහ සඵලතාවය තවදුරටත් තහවුරු කරයි. සෙවන් ස්ටාර් ප්‍රිමියම් බේකරි තිරිඟු පිටි එළිදැක්වීම හරහා සමාගමේ විශිෂ්ටත්වය, නවෝත්පාදනය සහ පාරිභෝගික තෘප්තිය සඳහා වූ නොසැලෙන කැපවීම තවදුරටත් පෙන්නුම් කරයි.
