එක්දින ලෝක කුසලානයේ ශ්‍රී ලංකා – ඕස්ට්‍රේලියා තරගයේ දී ක්‍රීඩා කළ හැකි යැයි බලාපොරොත්තු වන ඕස්ට්‍රේලියානු හා ශ්‍රී ලංකා කණ්ඩායම් මෙසේ දැක්විය හැකිය.
ඕස්ට්‍රේලියානු කණ්ඩායම
ඩේවිඩ් වෝනර් , මිෂෙල් මාෂ් , ස්ටීවන් ස්මිත් , මානස් ලබුෂේන් , මාකස් ස්ටොයිනිෂ් , ග්ලේන් මැක්ස්වෙල් , ජොෂ් ඉංග්ලිශ් , පැට් කමින්ස් , ජොෂ් හෙසල්වූඩ් , ඇඩම් සැම්පා සහ මිෂෙල් ස්ටාර්ක්
ශ්‍රී ලංකා කණ්ඩායම
දිමුත් කරුණාරත්න , පැතුම් නිශ්ශංක , කුසල් මෙන්ඩිස් , සදීර සමරවික්‍රම , චරිත් අසලංක , ධනංජය ද සිල්වා, දුනිත් වෙල්ලාලගේ , චාමික කරුණාරත්න , කසුන් රාජිත , ලහිරු කුමාර , මහීස් තීක්ෂණ
ජාත්‍යන්තර විචාරකයින් මත පළකරන්නේ දකුණු අප්‍රිකානු තරගයේ ක්‍රීඩා කළ ඕස්ට්‍රේලියනු කණ්ඩායම මේ තරගයේ ද ක්‍රීඩාකරනු ඇති බවයි. නමුත් ලක්නව් තණතීරුව බොහෝ දුරට දඟ පන්දු යවන්නන්ට වාසි සහගත වන බැවින් මාර්ක් ස්ටොයිනිස් වෙනුවට කැම‍රන් ග්‍රීන් හෝ කඩුළු රකින ක්‍රීඩක ජොස් ඉංග්ලිශ් වෙනුවට ඇලෙක්ස් කේරි ඕස්ට්‍රේලියානු කණ්ඩායමට ආදේශ වීමට බොහෝ දුරට ඉඩ තිබේ.
දසුන් හා මතීස් ආබාධයන්ට ලක් වීමත් කුසල් පෙරේරා තම සුපුරුදු දක්ෂතා අතර නොසිටීම යන කාරණා නිසා අද තරගයේ දී වෙනස්කම් තුනක් සිදුවිය හැකි බවට විචාරකයින් පෙන්වා දෙයි. ඒ අනුව කුසල් ජනිත් වෙනුවට දිමුත් කරුණාරත්න , දසුන් ශානක වෙනුවට චාමික කරුණාරත්න සහ මතීෂ් පතිරණ වෙනුවට ලහිරු කුමාර ශ්‍ රීලංකා ආදේශ වීමට බොහෝ දුරට ඉඩ තිබේ.
