එක්දින ක්‍රිකට් ලෝක කුසලානයේ දකුණු අප්‍රිකාව හා ඕස්ට්‍රේලියාව අතර පැවැති තරගයෙන් දකුණු අප්‍රිකාව ලකුණු 134 ක විශිෂ්ට ජයක් හිමි කර ගත්හ.
කාසිය වාසිය දිනු ඕස්ට්‍රේලියාව පළමුව පන්දුවට පහර දීමට දකුණු අප්‍රිකාවට ආරාධනා කළ අතර ඔවුන් පන්දුවාර 50 ට කඩුලු 7ක් දැවී 311ක් රැස් කළෝය.
එහිදී ක්වින්ටන් ඩීකොක් ලකුණු 109 ක් හා ඒඩන් මාක්‍රම් ලකුණු 56 ක් රැස් කළහ.
පන්දු යැවීමෙන් ග්ලේන් මැක්ස්වෙල් ලකුණු 34ට කඩුලු 2ක් හා මිච්ල් ස්ටාක් ලකුණු 53 ට කඩුලු 2ක් බිඳ හෙළීය.
පිළිතුරු ඉනිමට පිටියට ප්විසි ඕස්ට්‍රේලියානුවන්ට දකුණු අප්‍රිකානු පන්දු යැවීමේ බලඇණිය හමුවේ අසරණ වීමට සිදුවූයේ සියලු දෙනා ලකුණු 177කට දැවී යමිනි.
ඕස්ට්‍රේලියාව වැටුණු අඩියෙන් ගොඩ ගැනීමට මහත් වෙහෙසක් ගත් මානස් ලබුෂේන් ලකුණු 46ක් රැස් කළේය.
පන්දු යැවීමෙන් කගීසෝ රබාඩා ලකුණු 33 කඩුලු 3ක් බිඳ හෙළීය.
තරගයේ වීරයා ක්වින්ටන් ඩීකොක්
රසිත ජයවීර
