ලෝක කුසලාන ක්‍රිකට් තරගාවලියේ ශ්‍රී ලංකාව සහභාගී වන දෙවන තරගය අද (10) පස්වරු 2ට ඉන්දියාවේ හයිඩ්‍රාබාදයේ රජීව් ගාන්ධි ක්‍රීඩාංගණයේ දී ආරම්භ වේ.
අද තරගය සඳහා ශ්‍රී ලංකාවේ ප්‍රධාන දඟ පන්දුයවන්නා වන මහීෂ් තීක්ෂණ කණ්ඩායම සමඟ බොහෝ දුරට එක්වනු ඇති බව එරටින් ලැබෙන ආරංචි මාර්ග පෙන්වා දෙයි.
ලෝක කුසලාන ඉතිහාසයේ ශ්‍රී ලංකාව හා පාකිස්ථානය අතර තරග 8ක් පවත්වා ඇති අතර ඉන් තරග 7 ම ජය පකිස්ථානය දිනා ඇති අතර එක් තරගයක් විසදුමකින් තොරව නිමාවට පත්වී තිබේ.
ලෝක කුසලාන ඉතිහාසයේ පාකිස්ථානයට එරෙහිව පළමු ජය සහ මෙවර තරගාවලියේ පළමු ජය සොයා ශ්‍රී ලංකාව හයිඩ්‍රාබාද් පිටියට පිවිසෙනු ඇති.
