කොළඹ – නුවර මාර්ගයේ නිට්ටඹුව, කජුගම ප්‍රදේශයේ දී අද(06) මගී ප්‍රවාහන බස් රථයක්, කන්ටේනර් රථයක් හා ඉන්ධන රැගත් බවුසරයක් එකිනෙක ගැටීමෙන් පුද්ගලයන් 22 දෙනෙකු තුවාල ලබා වතුපිටිවල රෝහලට ඇතුළත් කර තිබේ.
පළමුව අම්පාර සිට කොළඹ බලා ධාවනය වන බස් රථය කන්ටේනර් රථයේ ගැටී ඇති අතර පසුව බස් රථය පිටුපසින් පැමිණි ඉන්ධන ප්‍රවාහන බවුසරය බස් රථයේ ගැටී තිබේ.
පොලීසිය සඳහන් කරන්නේ තුවාල ලැබුවන් කඩිනමින් රෝහල් ගත කිරීමට කජුගම ප්‍රදේශවාසීන් පියවර ගෙන ඇති බවයි
