ශ්‍රී ලංකා අලෙවිකරණ ආයතනය (SLIM), ඉතා උනන්දුවෙන් අපේක්ෂා කළ අලෙවිකරණ ක්ෂේත්‍රයට අදාළ ඩිජිටල් නවෝත්පාදනයේ ප්‍රමුඛත්වය හඳුනා ගන්නා සහ ඒවාට අගැයීමක් ලබා දෙන අසමසම වේදිකාව වන SLIM DIGIS සම්මාන උළෙලේ 2023 අදියර දියත් කිරීම නිවේදනය කිරීමට ලැබීම සතුටට කරුණකි. ඩිජිටල් අලෙවිකරණ විශිෂ්ටත්වයේ නව පරිච්ඡේදයක් සනිටුහන් කරමින්, මෙම වසරේ SLIM DIGISහි වේගවත් වෙළෙඳපොළ පරිණාමය සහ වැඩිදියුණු කළ ප්‍රවේශ ඉදිරිපත් කිරීම් සමීපව පිළිබිඹු කරන කාණ්ඩ ඇතුළත් කර තිබේ. තරඟයේ ප්‍රමිතිය ඉහළ නැංවීම සඳහා නව, ප්‍රමිතිගත ප්‍රවේශ අයැදුම් පත්‍රයක් හරහා SLIM DIGIS 2.3 සඳහා ඇතුළත් කර ගැනීම් අගෝස්තු 25 වන දින විවෘත වන අතර සැප්තැම්බර් 25 වන දින අවසන් වේ.
2023 අදියර එළිදැක්වීම සහ එහි ඇතුළත් කිරීම් සඳහා විවෘත කිරීම නිවේදනය කරමින් – SLIM සභාපති චින්තක පෙරේරා මහතා මෙසේ පැවසීය, “අපි SLIM DIGIS 2.3 හි බලය වැළඳ ගන්නා විට, එය තාක්‍ෂණය පමණක් නොව මිනිසුන් සමග සම්බන්ධ වීම, ඔවුන්ගේ අවශ්‍යතා අවබෝධ කර ගැනීම සහ වටිනාකම් සැපයීම ඒ අතර වන බව අප මතක තබා ගත යුතුයි. ඩිජිටල් ක්ෂේත්‍රය වෙත අප යන ගමන නව්‍යකරණය, නිර්මාණශීලිත්වය සහ අඛණ්ඩ දියුණුව සඳහා කැපවීමක්. ඉදිරි සතිවලදී, අපි ඩිජිටල් අලෙවිකරණයේ විවිධ පැතිවල ගැඹුරට කිමිදෙමින්, අපගේ සන්නාමය ඉහළ නැංවීමට සහ ප්‍රත්‍යක්ෂ ප්‍රතිඵල ලබා ගැනීමට හැකි උපාය මාර්ග ගවේෂණය කරනවා. අපි එක්ව මෙම උද්යෝගිමත් ගමන ආරම්භ කරන විට ඊට සහභාගී වීමට, තීක්ෂණ බුද්ධිය බෙදා ගැනීමට සහ විමසීම් කිරීමට මම සියලු දෙනා දිරිමත් කරනවා. අලෙවිකරණයේ අනාගතය ඩිජිටල් වන අතර, එක්ව, එය වර්ධනයේ, සාර්ථකත්වයේ සහ අර්ථවත් සම්බන්ධතාවල අනාගතයක් බවට පත් කිරීමට අපි සූදානම්. අලුත් තොරතුරු සඳහා අඛණ්ඩව පෙළ ගැසී සිටින්න. ඒ වගේ ම අපි ඩිජිටල් ලෝකයේ අපගේ සලකුණ තබමු!”
ඩිජිටල් ප්‍රවීණත්වය ප්‍රචලිත කිරීම සඳහා කැපවී සිටින SLIM DIGIS 2.3 ඩිජිටල් ක්ෂේත්‍රය හැඩගස්වන ගතික ප්‍රවණතා පිළිබිඹු කරන නව සම්මාන කාණ්ඩ අඛණ්ඩව හඳුන්වා දීම පිළිබඳව ආඩම්බර වේ. මෙම වර්ෂයේ නව්‍ය හඳුන්වාදීම් අතර කැපී පෙනෙන්නේ, “නිර්මාපක/ඩිජිටල් අලෙවිකරණයේ වඩාත් බලපෑම්සහගත සන්නිවේදකයා” යන කාණ්ඩයයි. මෙම විශේෂ සම්මාන කාණ්ඩය මගින් පාරිභෝගිකයින් විසින් ජනනය කරන ලද අන්තර්ගත සහ බලපෑම්කාරී හවුල්කාරිත්වයන් හරහා සන්නාම භාවිතය ඉහළ නැංවීමට, අලෙවිය ඉහළ දැමීමට සහ නිෂ්පාදන හෝ සේවා වටා උද්යෝගය ජනනය කිරීමට පුළුල් ලෙස භාවිත වීම සලකා බැලේ. ප්‍රචාරක කාර්ය සාධනය කෙරෙහි ඔවුන්ගේ තීරණාත්මක බලපෑම ප්‍රදර්ශනය කිරීම සඳහා භාවිත වීම් මනින ප්‍රමිතික, සමාජ ප්‍රවේශය සහ නිර්මාපකයාගේ හෝ බලපෑම්කරුවන්ගේ අන්තර්ගතයේ නිර්මාණාත්මක භාවිතය අයැදුම් කරන්නන් පැහැදිලි කළ යුතුය.
“වත්මන් සන්දර්භය තුළ ඩිජිටල් ආර්ථිකයේ නැගීම හරහා ඩිජිටල් අලෙවිකරණය වඩාත් තීරණාත්මක අලෙවිකරණ මෙවලම බවට පත්වෙලා තියෙනවා. අලෙවිකරණය සඳහා වන ජාතික ආයතනය ලෙස, SLIM සන්නාම සහ ව්‍යාපාර සඳහා විශිෂ්ට ප්‍රතිඵල ලබා දුන් ඔවුන්ගේ විශිෂ්ට කෘති ප්‍රදර්ශනය කිරීමට වේදිකාවක් නිර්මාණය කරමින් ඩිජිටල් අලෙවිකරණ සහෝදරත්වයේ කුසලතා සහ හැකියාවන් ඉහළ නැංවීමට නිරන්තර උත්සාහයක් දරනවා. මේ වසරේ ද, රට තුළ ඩිජිටල් අලෙවිකරණයේ ප්‍රවීණයන් බවට පත්වීම සඳහා උද්වේගකර තරගයක් වෙනුවෙන් ප්‍රවේශ අයැදුම් රාශියක් අපේක්ෂා කරනවා,” SLIM ආයතනයේ ව්‍යාපෘති උප සභාපති ගයාන් පෙරේරා පැවසීය.
SLIM DIGIS 2.3 හි ජූරියේ ප්‍රධානී අරෝෂ පෙරේරා මෙවර තරගයේ ඉලක්ක පිළිබඳව අවධානය යොමු කරමින් මෙසේ පැවසීය. “DIGIS සම්මාන උළෙල දැන් වෘත්තීය ඩිජිටල් අලෙවිකරුවන් සඳහා වන ප්‍රධානතම තරගකාරී වේදිකාව බවට ස්ථිර වී හමාරයි. මෙය ශ්‍රී ලංකාවේ ඩිජිටල් අලෙවිකරණයේ ප්‍රගතියට සමගාමීව අඛණ්ඩව වැඩිදියුණු වන සහ විකාශනය වන සම්මාන වැඩසටහනක්. පසුගිය වසරේ අපි කාණ්ඩ සංඛ්‍යාව වැඩි කළා. මෙම වසරේ, අපි හොඳම මෙම කාර්යය වඩා හොඳින් සක්‍රීයව සිදු කිරීම සඳහා ගුණාත්මකභාවය සහ විනය ඉහළ නැංවීම, තරගයේ ගැඹුර කෙරෙහි අවධානය යොමු කරනවා. අපි ඩිජිටල් මාධ්‍ය හසුරුවන ගෝලීය මට්ටමේ චින්තනය, අදහස්, ක්‍රියාත්මක වීම් සහ බලපෑම් සඳහා දිරිමත් කරනවා.”
නව ප්‍රමිතිගත ප්‍රවේශ පත්‍රයක් සහ ඉදිරිපත් කිරීමේ නිර්ණායක හඳුන්වාදීම හරහා SLIM DIGIS 2.3 පසුගිය වසරවලට වඩා තීරණාත්මක සහ ඉහළ ප්‍රගතිශීලී වෙනසක් සනිටුහන් කරනු ඇත. එය තරගකාරීත්වය ඉහළ නැංවීම සඳහා හඳුන්වා දී ඇති අතර, උසස් තත්ත්වයේ, ඉහළ තරගකාරීත්වයක් නිර්මාණය කිරීම සඳහා නිර්ණායක සපයයි. මෙම පියවර තුළින් SLIM DIGIS සම්මාන උළෙලේ අයැදුම් කිරීම් වඩාත් ඉල්ලුමක් ඇති ගෝලීය තරගවලට අනුකූලව සිදු කෙරෙනු ඇත.
SLIM DIGIS 2.3 සම්මාන උළෙලේ ව්‍යාපෘති සභාපති රජීව් ඩේවිඩ් නිවේදනය කළේ, SLIM DIGIS 2.3, අලෙවිකරණ ක්ෂේත්‍රයේ කල්පවත්නා බලපෑමක් ඇති කිරීම සඳහා උපාය මාර්ගිකයින්, නිර්මාපකයින් සහ නවෝත්පාදකයින් එක්රැස් කරන කැපී පෙනෙන ඩිජිටල් විශේෂඥතාවේ උක්කර්ෂවත් සැමරුමක් වනු ඇති බව ය. නැවුම් සම්මාන සහ සංශෝධනය කරන ලද කාණ්ඩ හඳුන්වා දීම ඩිජිටල් අලෙවිකරණයේ හද ගැස්ම සමග අනුකූල වන වේදිකාවක් සපයමින්, පෙරමුණ ගැනීමට SLIM හි කැපවීම අවධාරණය කරයි.
SLIM ආයතනයේ ප්‍රධාන විධායක නිලධාරී/විධායක අධ්‍යක්ෂ සනත් සේනානායක මහතා පැවසුවේ, “SLIM Digis 2.3 සම්මාන උළෙලේ මෙම කීර්තිමත් සම්මාන ප්‍රදානය අපගේ කණ්ඩායමේ නොපසුබට කැපවීම සහ ඔවුන්ගේ හවුල්කරුවන්ගේ නොසැලෙන සහයෝගය පිළිබඳ සාක්ෂියක්. නවෝත්පාදනයේ සීමා මායිම් පුළුල් කිරීමට සහ නව කර්මාන්ත ප්‍රමිතීන් සැකසීමට ආයතනික කැපවීම මෙම ඇගයීම් මගින් තහවුරු කරනවා. සම්මාන සඳහා තරග කරන ආයතන, තාක්‍ෂණයේ පරිවර්තනීය බලය විශ්වාස කරන අතර මෙම සම්මාන යනු අපේක්ෂාවන් සපුරාලීමට පමණක් නොව ඒවා ඉක්මවා යන විසඳුම් නිර්මාණය කිරීමට ඔවුන්ගේ ආශාව වැඩි කරනවා. SLIM Digis 2.3 හරහා මේ රටේ අනාගතය හැඩගස්වන සහ වඩාත් සම්බන්ධිත හෙට දිනක් හැඩගස්වන සුවිශේෂී සංවිධාන හඳුනා ගැනීම සඳහා වන අපගේ ගමන ඉදිරියට ගෙන යාමට අපට ගෞරවයක් වගේ ම ආස්වාදයක්.”
වැඩිදුර තොරතුරු සඳහා පිවිසෙන්න: https://slim.lk/slim-digis <Link> නැතහොත් ගංගානි අමතන්න.. 070 326 6988
