පැරිස් 2024 පැරාලිම්පික් ක්‍රීඩා උළෙලේ පිරිමි හෙල්ල විසිකිරීම (F64) ඉසව්වෙන් රිදී පදක්කම දිනා
ගැනීමට සමිත දුලාන් කොඩිතුවක්කු ඊයේ (02) සමත් විය.
ඒ අනුව, මීටර 67.03ක පුද්ගලික හොඳම දුරක් වාර්තා කරමින් ඔහුගේම පෙර පැවති මීටර් 66.49ක
ලෝක වාර්තාව බිඳ දැමීමට මෙහිදී ඔහු සමත්විය.
ඉන්දියාවේ සුමිත් ඇන්ටිල් මෙම කාණ්ඩයේ මීටර් 70.59ක විසි කිරීමක් වාර්තා කරමින් රන් පදක්කම දිනා
ගනිමින් සිය වාර්තාවම නැවත නැවතත් ස්ථාවර කර ගැනීමට සමත් විය.
ඔස්ට්‍රේලියාවේ මිචල් බුරාන් මීටර් 64.89ක දුරක් වාර්තා කරමින් ලෝකඩ පදක්කම දිනාගත්තේය.
මෙම ජයග්‍රහණයත් සමඟ සමිත දුලාන් ටෝකියෝහිදී ලබාගත් ලෝකඩ පදක්කමෙන් පසුව පිරිමි F64 හෙල්ල
විසිකිරීමේ අවසන් මහා තරගයේදී ලැබූ දෙවැනි පැරාලිම්පික් පදක්කමයි.
සමිත දුලාන් ඊයේ ලබාගත් ජයග්‍රහණයත් සමග ඔලිම්පික් සහ පැරාලිම්පික් තරගාවලදී ශ්‍රී ලාංකික
ක්‍රීඩකයෙකු ලබා ඇති ඉහළම ජයග්‍රහණය මෙයයි.
