ශ්‍රී ලංකාවේ ප්‍රබල තුන් ඉරියව් ක්‍රීඩකයෙකු වන වනිඳු හසරංග ජාත්‍යන්තර ටෙස් ක්‍රිකට් දිවියට සමුදීමට තීර්ණය කොට තිබේ. ඒ සඳහා ඔහු ලිපියක් මගින් ශ්‍රි ලංකා ක්‍රිකට් ආයතනයෙන් අවසර ඉල්ලා තිබේ.
එක්දින හා විස්සයි විස්ස තරග රටාවන් සඳහා වැඩි අවධානයක් යොමු කිරීමේ අරමුණින් තමා මේ තීරණයට එළඹුණු බව එම ලිපිය ඔස්සේ ඔහු වැඩි දුරටත් සඳහන් කරන ලදී.
මේ පිළිබඳව නිවේදනයක් නිකුත් කරමින් ශ්‍රීලංකා ක්‍රිකට් ආයතනය දැනුම් දුන්නේ ඒ සඳහා ඔහුට අවසර ලබා දුන් බවයි.
ටෙස්ට් පිටියට සමුදෙන විට වනිඳු හසරංග ටෙස්ට් තරග 4 ට මුහුණ දී ඉනිම 7 කදී මුළු ලකුණු 196 ක් හා කඩුළු 04ක් ලබා තිබුණු අතර ඔහුගේ හොඳම ඉනිම ලකුණු 59 කි.
