කොල්ලුපිටිය ඩුප්ලිකේෂන් මාර්ගයේ ලිබර්ටි වට රවුම ආසන්නයේ දී බස් රථයක් මතට ගසක් කඩා වැටීමෙන් අද (06) උදෑසන සිදුවූ අනතුරින් පුද්ගලයින් 05 දෙනෙකු ජීවිතක්ෂයට පත්වී තිබේ.
කොළඹ ජාතික රෝහලේ අධ්‍යක්ෂ වෛද්‍ය රුක්ෂාන් බෙල්ලන සඳහන් කළේ මේ වනවිට අනතුරින් තුවාල ලැබූ පුද්ගලයින් 17 දෙනෙකු රෝහල් ගත කර ඇති බවය.
මෙලෙස අනතුරට ලක්වී ඇත්තේ මතුගම ඩිපෝවට අයත් කොළඹ සිට දෙනියාය බලා ගමන් ගන්නා බස් රථයකි.
මේ හේතුවෙන් ඩුප්ලිකේෂන් මාවත වසා දැමීමට පොලීසිය තීරණය කර ඇති පොලිස් මාධ්‍ය ප්‍රකාශක ජ්‍යෙෂ්ඨ පොලිස් අධිකාරි නිහාල් තල්දුව ප්‍රකාශ කළේ ගමනාගමනය සඳහා විකල්ප මාර්ග භාවිතා කරන ලෙසය.
