ක්‍රීඩා හා යෞවන කටයුතු අමාත්‍ය රොෂාන් රණසිංහ මහතාගේ අත්සනින් යුතුව ක්‍රීඩාවලට සම්බන්ධ වැරදි වැළැක්වීම සඳහා විශේෂ විමර්ශන ඒකකයක් පත්කරමින් අතිවිශේෂ ගැසට් නිවේදනයක් නිකුත් කර තිබේ. එම අතිවිශේෂ ගැසට් නිවේදනයෙන් දැක්වෙන්නේ, එම කමිටුව පසුගිය පෙබරවාරි 15 වැනි දා සිට බලාත්මක වන බවයි.
එම කමිටුවේ අධ්‍යක්ෂවරයා හා ප්‍රධානියා ලෙස සහකාර පොලිස් අධිකාරි ජයනාත් වනසිංහ මහතා පත්කර ඇත.
ක්‍රීඩාවලට සම්බන්ධ වැරදි වැළැක්වීමේ පනතේ 21 වැනි වගන්තිය ප්‍රකාරව එම පනතේ ඇති නෛතික ප්‍රතිපාදන ප්‍රයෝගිකව ක්‍රියාවට යෙදවීමට වසර 3 ක කාලයක ට මෙම කමිටුව පත්කර ඇතැයි එම අතිවිශේෂ ගැසට් නිවේදනයේ සඳහන් වේ.
