එක්දින ක්‍රිකට් ලෝක කුසලානයේ ශ්‍රී ලංකාව හා එංගලන්තය අතර තරගය අද (26) පස්වරු 2 ට බැංගලෝර් හී දී ආරම්භ වීමට නියමිත ය.
ලෝක කුසලාන තරග ඉතිහාසයේ 2007 සිට ශ්‍රීලංකාව එංගලන්තය හමුවේ කිසිදු තරගයක් පරජය වී නොමැති වීම නිසා මේ තරගයේ දී එම වාර්තාව බිඳ හෙළීමේ අරමුණින් එංගලන්තය පිටියට පිවිසෙනු ඇති බවට ජාත්‍යන්ත්‍ර මාධ්‍ය වාර්තා කරයි.
මෙවර ලෝක කුසලානයේ ප්‍රසාද ලකුණු සටහනේ ශ්‍රී ලංකාව මේ වනවිට 07 වන ස්ථානයේ පසුවන අතර එංගලන්තය 08 වන ස්ථානයේ පසුවේ.
මෙම තරගාවලියේ ඉදිරියට යාම සඳහා කණ්ඩායම් දෙකටම අද තරගය වැදගත් වනු ඇත.
මේ අතර අද තරගයට ඇන්ජිලෝ මැතිව්ස් කණ්ඩායම සමඟ එක් වීමේ වැඩි සම්භාවිතාවක් ඇති බව එරටින් ලැබෙන ආරංචි මාර්ග පවසයි.
