2025 ආසියානු කුසලාන ක්‍රිකට් (පිරිමි) තරගාවලිය ඉන්දියාවේදී පැවැත්වීමට සැලසුම් කරන බව ආසියානු ක්‍රිකට් සංගමය පවසයි.
එය පැවැත්වෙන්නේ 20යි 20 තරගාවලියක් ලෙසිනි.
එම තරගාවලිය 20යි 20 තරගාවලියක් ලෙස පවත්වන්නේ කණ්ඩායම් සඳහා 2026 වසරේදී පැවැත්වීමට නියමිත ලෝක කුසලාන 20යි 20 තරගාවලියට පෙර පුහුණුවක් ලබාගැනීමට අවස්ථාව සැලසීමට බව සඳහන් ය.
මේ අතර 2027 ආසියානු කුසලාන ක්‍රිකට් තරගාවලිය පන්දු වාර 50 තරගාවලියක් ලෙස පැවැත්වෙයි.
ඒ එම වසරේදීම දකුණු අප්‍රිකාවේදී පැවැත්වීමට නියමිත ලෝක කුසලාන ක්‍රිකට් තරගාවලියට පෙරහුරුවක් වශයෙනි.
