ආසියානු කුසලානයේ පළමු වටයේ ශ්‍රීලංකාව සහභාගී වන දෙවන තරගය අද (05) ඇෆ්ගනිස්ථානය සමඟ ලාහෝරයේ ගඩාෆි ක්‍රීඩාංගණයේදී ආරම්භ වීමට නියමිත ය.
පස්වරු 3ට ආරම්භ වීමට නියමිත තරගය කණ්ඩායම් දෙකටම තීරණාත්මක තරගයක් වන්නේ “බී” කාණ්ඩයෙන් සුපිරි හතරදෙනාගේ වටයට තේරී පත්වන්නේ කවුද යන්න තීරණය කරන තරගය මෙය වන නිසාය.
මෙම තරගයෙන් ශ්‍රී ලංකාව ජය ගතහොත් බංගලිදේශය සමඟ සුපිරි සිව්දෙනාගේ වටයට යාමේ අවස්ථාව හිමිවන අතර ලංකාව පරජයට පත්වුවහොත් ශුද්ධ දළ ලකුණු වේගය මත ඉදිරියට යන කණ්ඩායම් දෙක තීරණය වනු ඇත.
ශ්‍රීලංකාව හා ඇෆ්ගනිස්ථානය මේ වනවිට එක්දින තරග 10 කදී එකිනෙකා මුණගැසී ඇති අතර එයින් තර 6ක ජය ශ්‍රී ලංකාවටත්, තරග 3ක් අෆ්ගනිස්ථානයටත් හිමිවී ඇති අතර තරගයක් ජය පැරදුමෙන් තොරව අවසන්ව තිබේ.
ආසියානු කුසලාන තරග ඉතිහාසයේ තරග දෙකකදී එකිනෙකා මුණගැසී ඇති අතර දෙපිලම එක් තරගය බැගින් ජයගෙන සම මට්ට්ටමේ පසුවේ.
රසිත ජයවීර
