ඩුබායි හි පැවැත්වෙන අවුරුදු 19 න් පහළ ආසියානු කුසලානයට සහභාගී වීම සඳහා ශ්‍රී ලංකා ක්‍රිකට් කණ්ඩායම අද (06) අලුයම දිවයිනෙන් පිටත්ව ගියේය.
පිටත්ව ගිය කණ්ඩායමට ක්‍රීඩකයින් හා නිළධාරීන් 27 දෙනෙකු ඇතුළත් විය.
එහි නායකත්වය කොළඹ රාජකීය විද්‍යාලයේ සිනෙත් ජයවර්ධන දරනු ඇති.
තරගාවලිය ලබන 08 වනදා ආරම්භ වන අතර ශ්‍රී ලංකාව සහභාගී වන පළමු තරගය ලබන 09 වනදා ජපානය සමඟ පැවැත්වීමට නියමිතය.
ජාත්‍යන්තර තරග තහනමක් පවතින පසුබිමක ශ්‍රී ලංකා ක්‍රිකට් කණ්ඩායමක් සහභාගී වන පළමු ජාත්‍යන්තර තරගාවලිය මෙය වේ.
