ශ්‍රී ලංකාව හා ඕස්ට්‍රේලියාව අතර අද(16) පැවැත්වෙන තරගය පිළිබඳ ශ්‍රී ලංකා නායක කුසල් මෙන්ඩිස් අදහස් දක්වමින් තරගය ජය ගන්නේ කෙසේ ද යන්න පිලිබඳව සඳහන් කළේ ය.
එහිදී ඔහු කියා සිටියේ දසුන් ශානකගේ නායකත්වය කණ්ඩායමට අහිමි වීම විශාල පාඩුවක් වන නමුත් ඕස්ට්‍රේලියානු තරගය දෙස බැලීමේ දී ශ්‍රී ලංකා පිතිකරුවන්ගේ ලකුණු රැස් කිරීමේ වේගය ඔවුන්ට වඩා පියවරක් ඉදිරියෙන් වන නිසා ප්‍රබල අභියෝගයක් එල්ල කළ හැකි වනු ඇතැයි විශ්වාස කරන බව යි.
පිතිකරුවන්ගේ දක්ෂතා මතම තරගයක් ජයගැනීමට නොහැකි නිසා ශ්‍රි ලංකා පන්දු යවන්නන්ද තම යුතුකම නිසි ලෙස ඉටු කරනු ඇති බවට දැඩි විශ්වාසයෙන් පසුවන බව ඔහු වැඩිදුරටත් ප්‍රකාශ කළේය.
